random
أخبار ساخنة

هل اشترك فى باقات الانترنت الجديدة WE Space

الصفحة الرئيسية


هل اشترك فى باقات الانترنت الجديدة WE Space






النهاردة هانتكلم عن باقات الانترنت من شركة We
طبعا كلنا عارفين ان شركة WE  غيرت السرعات الخاصة بالانترنت ...
وعملت عروض وانظمة جديدة
نظام سوبر بسرعة تصل لـــ 30 ميجا بايت ...
نظام ميجا بسرعة تصل لـــ 70 ميجا بايت ...
نظام الترا بسرعة تصل لـــ 100 ميجا بايت ...
مع تعدد سعات التحميل بكل نظام ...
وحولت تلقائيا المشتركين على سرعات 5 ميجا و 15 ميجا و 25 ميجا بسعة تحميل 100 جيجا
الى النظام الجديد سوبر بسرعة 30 ميجا وسعة تحميل 140 جيجا
يعنى بزيادة 40 جيجا سعة تحميل و 6 أضعاف السرعة  القديمة
طبعا ده كويس ولما بنقول قد تصل ده معتاها انه مش شرط انها تكون 30 لا ده بيتوقف على معايير
بس السؤال هنا هو ...
هل السرعات الكبيرة دى هاتوصلنا
طيب هل نقبل التحويل على السرعة الجديدة ولا لأ ...
وهل من حقك ترفضه
بداية اه من حقك ترفض التحويل ... وتفضل على سرعتك القديمة ....
ودى سهلة كل ما عليك انك تتصل بخدمة العملاء على الخط الساخن 19777 وتبلغهم انك عاوز تخليك على سرعتك القديمة
لكن الاول قبل ما تتصل تعالوا نتعرف على ايه اللى يخلينا نوافق او نرفض
قرارك بالرفض او القبول مبنى على امرين ...
اولهم لازم تعرف ان زيادة السرعة هايزود معدل استهلاكك
يعنى لازم تحسبها هو انتى هاتقدر تتحكم وتنظم استهلاكك على السرعات الجديدة
هاتقدر ما تخلى استهلاكك يزيد عن 140 جيجا عمليا ... ممكن
اه ممكن عن طريق التحكم فى تخفبض عدد الاجهزة اللى هاتدخل على الانترنت
وكمان تتحكم فى جودة اليوتيوب ...
بمعنى تقلل جودة المشاهدة فى اليوتيوب بحيث ما تستهلك كتير ةلا تتاثر جودة المشاهدة ...
وبجانب انك تقلل من التحميلات  ... بحيث ما تعديش 140 جيجا ...
لانك بكده مش هاتحتاج لباقة اضافية وتعلى الميزانية معاك ...
لكن لو شايف انك مش هاتقدر تعمل كده وان ميزانيتك تسمح
ادخل على سعة التحميل الاعلى
عندك سعة تحميل 250 جيجا و600 جيجا فى نفس النظام
وكمان علشان السرعات الجديدة لما بتخلص سعة الاستخدام بتنزل السرعة الى 256 ك
يعنى عندك انترنت بس مش شغال ...
السرعات القديمة كانت لما بتخلص بتنزل السرعة الى الى 1 ميجا يعنى بيفضل شغال معاك الى ميعاد التجديد
طيب والامر التانى وده الأهم ...
هو ان خدمة VDSL  عندك تكون مفعلة... مش ADSL
يعنى ايه ده ...
بص يا سيدى قبل ما اقولك ايه هو الVDSL   و ADSL اعرف معلومة مهمة
اولا خطوط التليفون الارضى بتشتغل على كبلات نحاسية يعنى الكابلات اللى واصلة من السنترال الى البيت عندك دى نحاس وكل ما كانت المسافة بينك وبين السنترال ابعد  كل ما جودة الانترنت تكون ضعيفة
فعلشان كده المصرية للاتصالات عملت كبائن بين السنترال وبين المشتركين قصرت المسافة
وكمان غيرت الاسلاك النحاسية بين السنترال والكبائن وبقت فايبر
وغيرت ساعتها ارقام التليفونات  وبقت الخدمة افضل فى التليفون والانترنت
طيب ليه فايبر  ...
لان الفايبر مصنوع من الالياف الضوئية المصنوعة من الزجاج
وعندة القدرة على عدم فقد الاشارة اللى بيحملها لمسافات طويلة جدا
بعكس الاسلاك النحاسية كل ما بتطول كل ما كان الفقد اكبر ...
فبكده اصبح ممكن زيادة السرعات عن طريق اسلاك الفايبر ...
لكن اسلاك الفايبر مش واصلة لحد عندك للبيت لسه اسلاك نحاس ...
لكن لو سألت هاتلاقى اللى بيقولك  فى WE  خدمة الفايبر مفعلة او هايفعلها ...
وفى السنترال برضه هايقولك خطك فايبر
على اساس خارج من السنترال فايبر للكابينة
لكن من الكابينة للبيت اسلاك نحاس ...
فى خطة زمنية للتعديل هتاخد وقتها ان شاء الله ... وكله هايكون فايبر لحد البيت...
نرجع لايه هو ال  ADSL   و ال VDSL  ...
اولا ال ADSL  اسمه ADSL2+ وده بيقدر يتحمل سرعة تصل لـــ 24 ميجا داونلوود و 2 ميجا ابللوود ...
وده بحسب قربك او بعدك من الكابينة ... وده اللى بيشغله الراوتر القديم
اما ال VDSL  فبيقدر يشيل سرعات اعلى بكتير تصل لآلاف الكيلومترات دون فقد اى نسبة من الاشارة
 وبيشتغل على الفايبر يعنى لو التوصيل من السنترال لسه زى ما هو نحاس مش هايشتغل
لكن لو فايبر من السنترال للكابينة ...
وكله راجع لقربك او بعدك من السنترال او الكابينة ايهما اقرب لك ...
هايشتغل وممكن يوصل لسرعة عالية توصل لحد  150 ميجا .... لو مشترك فيها
يعنى الخلاصة قبل ما تاخد قرارك
بالاستمرار فى السرعة الجديدة او تفضل على السرعة القديمة ....
اولا تحدد ان كنت هاتقدر تتحكم فى التحميل وفعلا هايكفيك 140 جيجا علشان ما تنزلش السرعة ل 256 ك  يعنى مش هايشغل انترنت
ثانيا تتصل بالشركة وتتأكد ان خطك VDSL  ولا لأ
وتاخد قرارك بعدها
وما تنساش تشترى الراوتر الخاص ب VDSL  من الشركة لانه عليه عرض نصف الثمن وهايفرق جامد معاك
بكده نكون وضحنا الاجابة على السؤال  ... اغير السرعة ولا لأ 


شاهد الفيديو



google-playkhamsatmostaqltradent